კატეგორია
ავტობიზნესი არასამეწარმეო საქმიანობა ბიზნეს პერსონა განათლება გარემოს დაცვა გართობა დისტრიბუცია ეკონომიკა ენერგეტიკა ექსპორტი ვაჭრობა იმპორტი ინვესტიცია ინფრასტრუქტურა კვების ინდუსტრია კონსალტინგი კრიპტოვალუტა კულტურა და ხელოვნება მედიცინა მეცნიერება მთავრობა საბავშვო პროდუქცია სამშენებლო სექტორი საოფისე და საოჯახო საქონელი სასარგებლო წიაღისეული სიახლე სოფლის მეურნეობა სპორტი სტარტაპი ტანსაცმელი და აქსესუარები ტელეკომუნიკაცია ტექნოლოგია ტრანსპორტი და გადაზიდვები ტრანსპორტირება ტურიზმი უსაფრთხოება უძრავი ქონება ფარმაცია ფინანსები ღონისძიებების ორგანიზება ჯანდაცვა ჰორეკა

BM.GE-ის ექსკლუზივი: რუსთავის მეტალურგიული ქარხანა მუშაობას აჩერებს

BM Georgia
BM.GE-ის ექსკლუზივი: რუსთავის მეტალურგიული ქარხანა მუშაობას აჩერებს

BM.ge-ისთვის ექსკლუზიურად ცნობილი ხდება, რომ რუსთავის მეტალურგიული ქარხანა მუშაობას აჩერებს.

სააგენტოს ინფორმაციით, პირველი ღუმელი ერთ კვირაში გაჩერდება, მეორე კი – იანვრის დასაწყისში.

ასევე, bm.ge-ის სანდო წყაროს ცნობით, კომპანია სრულად მუშაობას მომავალი წლის 15 იანვარს შეწყვეტს, რაც იმას ნიშნავს, რომ სამუშაო ადგილს 2000 ადამიანი დაკარგავს.

რუსთავის მეტალურგიული ქარხნის გაჩერების მიზეზად ირანიდან არმატურის დემპინგურ ფასად შემოტანა სახელდება, რაზეც კომპანიის მენეჯმენტი საჯაროდაც საუბრობდა.

Bm.ge ინფორმაციის გადამოწმების მიზნით, „რუსთავის ფოლადსაც“ დაუკავშირდა, თუმცა კომპანიაში, ჯერ ოფიციალურ კომენტარს არ აკეთებენ.

აღსანიშნავია, რომ სწორედ „რუსთავის ფოლადის“ მიერ ბაზრის დაცვის მექანიზმების არსებობის აუცილებლობაზე საუბრის შემდეგ დაიწყო პარლამენტის დარგობრივი ეკონომიკის და ეკონომიკური პოლიტიკის კომიტეტმა ანტიდემპინგური კანონმდებლობის მიღებაზე აქტიურად მსჯელობა.

როგორც ცნობილია, კანონპროექტი ეკონომიკის სამინისტრომ ჯერ კიდევ 2 წლის წინ მოამზადა, მაგრამ დოკუმენტის პარლამენტში ინიცირება, ჯერჯერობით, არ მომხდარა.
ავტორი: თამუნა ქემერტელიძე